ദുബായില്‍ ജോലി നേടാം; ലക്ഷങ്ങള്‍ സമ്പാദിക്കാം
നിങ്ങൾ ദുബായില്‍ തൊഴിലവസരങ്ങൾ തേടുന്നവരിൽ ഒരാളാണെങ്കിൽ ഏത് മേഖലയിലെ ജോലിക്കാണ് ഏറ്റവും കൂടുതല്‍ ഡിമാന്‍ഡ് എന്ന തിരിച്ചറിയല്‍ പ്രധാനമാണ്. ഇവിടെ ഞങ്ങള്‍ ഇതാ 2024-ൽ യു.എ.ഇയിലെ ഏറ്റവും ഡിമാൻഡുള്ള ജോലികളെക്കുറിച്ച് പരിചയപ്പെടുത്തുന്നു.
എണ്ണ ഉൽപ്പാദനം കുറച്ചതിനാൽ യു.എ.ഇയുടെ സമ്പദ്‌വ്യവസ്ഥ 2024 ൽ സാവധാനത്തിലായിരിക്കുകയാണെങ്കിലും തൊഴിൽ വിപണി പോസിറ്റീവ് ആയി തുടരുന്നു എന്നതാണ് ശ്രദ്ധേയം. എണ്ണ ഇതര മേഖലയിലെ ശക്തമായ വളർച്ചയാണ് യു.എ.ഇക്ക് മുതല്‍ക്കൂട്ടാവുന്നത്. 2023ൻെറ ആദ്യ പകുതിയിൽ ശ്രദ്ധേയമായ തൊഴിൽ വിപണി വളർച്ചയുണ്ടായി, പ്രത്യേകിച്ച് സാങ്കേതികവിദ്യയിലും മനുഷ്യവിഭവശേഷിയിലും (എച്ച്ആർ). അതേസമയം, ഓഗസ്റ്റ് അവസാനം മുതൽ ദുബായിലെ പുതിയ താമസക്കാരുടെ ഗണ്യമായ വർദ്ധനവ് മികച്ച അവസരങ്ങൾക്കായി പുതിയ ജോലികൾ തേടുന്ന പ്രവണതയും കൂടികൊണ്ടിരിക്കുകയാണ്.
ഈ വർഷം,യുഎഇ തൊഴിൽ വിപണി അഞ്ച് പ്രധാന മേഖലകളിലാണ് ഗണ്യമായ വളർച്ച പ്രതീക്ഷിക്കുന്നത്. ഇൻഫർമേഷൻ ടെക്നോളജി (ഐടി), ബാങ്കിംഗ്, ഫിനാൻസ്, റിയൽ എസ്റ്റേറ്റ്, കൺസ്ട്രക്ഷൻ, ഓയിൽ ആൻഡ് ഗ്യാസ്, റിന്യൂവബിൾ എനർജി, ടൂറിസം എന്നീ മേഖലകളിലായിരിക്കും 2024 ല്‍ ഏറ്റവും കൂടുതല്‍ ജോലി സാധ്യത ഉണ്ടായിരിക്കുക. യു.എ.ഇയില്‍ ഏറ്റവും കൂടുതല്‍ ഡിമാന്‍ഡുള്ള 7 തൊഴില്‍ മേഖലകള്‍
1. ആർട്ടിഫിഷ്യൽ ഇന്റലിജൻസ് (AI), മെഷീൻ ലേണിംഗ് (ML)
പ്രൊഫഷണലുകൾ 2030 ആകുമ്പോഴേക്കും യു.എ.ഇയുടെ മൊത്ത ആഭ്യന്തര വിപണിയിൽ 14 ശതമാനം സംഭാവന നൽകുക ആർട്ടിഫിഷ്യൽ ഇൻറലിജൻസ് മേഖലയുമായി ബന്ധപ്പെട്ടായിരിക്കുമെന്നാണ് കണക്കുകള്‍ വ്യക്തമാക്കുന്നത്. ഈ സംഖ്യ ഈ മേഖലയിലെ ഏറ്റവും കൂടിയതാണ്. ലോജിസ്റ്റിക്‌സ്, ഫിനാൻസ്, ഹെൽത്ത്‌കെയർ എന്നിവയുൾപ്പെടെ – ഒന്നിലധികം മേഖലകളിൽ ആർട്ടിഫിഷ്യൽ ഇൻറലിജൻസ്, മെഷീൻ ലേണിംഗ് സ്വാധീനം ശക്തിപ്പെടുത്തുകയും നിരവധി പേർക്ക് തൊഴില്‍ അവസരം നല്‍കുകയും ചെയ്യും.
2. സൈബർ സുരക്ഷാ വിദഗ്ധർ
യു.എ.ഇയുടെ സൈബർ സുരക്ഷാ കൗൺസിലിൽ നിന്നുള്ള ഡാറ്റ കാണിക്കുന്നത് 2023-ലെ ആദ്യ ഒമ്പത് മാസങ്ങളിൽ രാജ്യത്ത് 71 ദശലക്ഷത്തിലധികം സൈബർ ആക്രമണ ശ്രമങ്ങൾ തടയപ്പെട്ടുവെന്നാണ്. സൈബർ സുരക്ഷാ പ്രൊഫഷണലുകളുടെ ആവശ്യകതയാണ് ഈ കണക്കുകള്‍ കാണിക്കുന്നത്. 2024 ലും ഈ മേഖലയില്‍ വലിയ തോതില്‍ തൊഴില്‍ അവസരങ്ങളുണ്ടായേക്കും.
3. ഡിജിറ്റൽ മാർക്കറ്റിംഗ് വിദഗ്ധർ
ഡിജിറ്റൽ മാർക്കറ്റിംഗിൻെറ വിശാലമായ മേഖല സോഷ്യൽ മീഡിയ മാർക്കറ്റിംഗ്, കണ്ടൻറ് ക്രിയേഷന്‍, ഡിജിറ്റൽ മാർക്കറ്റിംഗ്, സെർച്ച് എഞ്ചിൻ ഒപ്റ്റിമൈസേഷൻ എന്നിവ ഉൾക്കൊള്ളുന്നു. ഈ മേഖലയിലെ പ്രൊഫഷണലുകൾ ബിസിനസ്സുകളെ അവരുടെ ഓൺലൈൻ സാന്നിധ്യം വർദ്ധിപ്പിക്കാനും അവരുടെ ടാർഗെറ്റ് പ്രേക്ഷകരിലേക്ക് എത്തിച്ചേരാനും സഹായിക്കുന്നു.
4. ഇ-കൊമേഴ്‌സ് വിദഗ്ധർ
2027 വരെ യു.എ.ഇയുടെ ഇ-കൊമേഴ്‌സ് വിപണി 4 ശതമാനം വാർഷിക നിരക്കിൽ വളരുമെന്നാണ് പ്രതീക്ഷിക്കുന്നത്. ഓൺലൈൻ ഷോപ്പിംഗ് തിരഞ്ഞെടുക്കുന്ന കൂടുതൽ ഉപഭോക്താക്കളെ ഉൾക്കൊള്ളാൻ, ഈ വ്യവസായത്തിന് കൂടുതൽ ഇ-കൊമേഴ്‌സ് വിദഗ്ധരെ ആവശ്യമുണ്ട്. ജോലി ഓൺലൈൻ മാർക്കറ്റ്‌പ്ലേസുകൾ കൈകാര്യം ചെയ്യുകയും ഒപ്റ്റിമൈസ് ചെയ്യുന്നതുമാണ് ഇവരുടെ ജോലി. ഒരു പ്ലാറ്റ്‌ഫോം തടസ്സമില്ലാത്തതും ഉപയോക്തൃ-സൗഹൃദവുമായ ഷോപ്പിംഗ് അനുഭവം പ്രദാനം ചെയ്യുന്നുവെന്നും അവർ ഉറപ്പാക്കുന്നു. ഓൺലൈൻ വിൽപ്പന വർധിപ്പിക്കാൻ ബിസിനസ്സ് ഉടമകളെയും ഇടപാടുകാരെയും സഹായിക്കുക എന്നതാണ് അവരുടെ ഉത്തരവാദിത്തം.
5. ഹെൽത്ത് കെയർ പ്രൊഫഷണലുകൾ
ഏത് സമയത്തും ജോലി സാധ്യതയുള്ള മേഖലയാണ് ആരോഗ്യ മേഖല. 11 ദശലക്ഷം ആളുകൾക്ക് സേവനം നൽകാനും ക്ലീവ്‌ലാൻഡ് ക്ലിനിക്ക്, മയോ ക്ലിനിക്ക് തുടങ്ങിയ സ്പെഷ്യാലിറ്റി ആശുപത്രികളുള്ള ഒരു മെഡിക്കൽ ടൂറിസം ഹബ്ബായി യു.എ.ഇയിലെ ആരോഗ്യ മേഖല വളരുകയാണ്. യു.എ.ഇയിലെ മുതിർന്നവരിൽ മൂന്നിലൊന്ന് പേരും പൊണ്ണത്തടിയുള്ളവരും അഞ്ചിൽ ഒരാൾക്ക് പ്രമേഹമോ പ്രീ-ഡയബറ്റിസോ ഉള്ളതിനാൽ, ഈ ജീവിതശൈലി രോഗങ്ങളെ നേരിടാൻ ഉയർന്ന നിലവാരമുള്ള ആരോഗ്യ സംരക്ഷണത്തിനുള്ള ആവശ്യം വർദ്ധിച്ചുകൊണ്ടിരിക്കുകയാണ്.
6. ടൂറിസം, ഹോസ്പിറ്റാലിറ്റി പ്രൊഫഷണലുകൾ
ദുബായ് ഉൾപ്പെടെ നിരവധി പ്രമുഖ ആഗോള ടൂറിസ്റ്റ് കേന്ദ്രങ്ങളുള്ള രാജ്യമാണ് യു.എ.ഇ. 2023-ൻെറ ആദ്യ മൂന്ന് പാദങ്ങളിൽ, ദുബായി മാത്രം 13.9 ദശലക്ഷം സന്ദർശകരെ സ്വാഗതം ചെയ്തു. കുതിച്ചുയരുന്ന ടൂറിസം, ഹോസ്പിറ്റാലിറ്റി വ്യവസായം എന്നതിനർത്ഥം നിരവധി തൊഴിലവസരങ്ങൾ എന്ന് കൂടിയാണ്. ഈ മേഖലയിൽ, ടൂർ ഗൈഡുകളും ഷെഫുകളും മുതൽ ഹോട്ടൽ ജീവനക്കാർ വരെയുള്ള വൈവിധ്യമാർന്ന പ്രൊഫഷണലുകളെ ആവശ്യമാണ്.
7. റിന്യൂവബിൾ എനർജി എൻജിനീയർമാർ
2030-ഓടെ പുനരുപയോഗ ഊർജ ശേഷി മൂന്നിരട്ടിയാക്കാനാണ് യു.എ.ഇ ലക്ഷ്യമിടുന്നത്. പുനരുപയോഗ ഊർജ എൻജിനീയർമാരുടെ ജോലി സാധ്യതയും രാജ്യത്ത് വർധിച്ച് വരുന്നു. സൗരോർജ്ജ, കാറ്റ് പവർ പ്ലാൻറുകൾ പോലുള്ള പുനരുപയോഗ ഊർജ സംവിധാനങ്ങൾ രൂപകൽപ്പന ചെയ്യുന്നതിലും നടപ്പിലാക്കുന്നതിലും പരിപാലിക്കുന്നതിലും ഈ പ്രൊഫഷണലുകൾ പ്രധാന പങ്കുവഹിക്കുന്നു.