യു.എ.ഇയിൽ താമസിക്കുന്നവർക്കെല്ലാം സുപരിചിതമാണ് NOL കാർഡ്. മെട്രോ, ബസ്, ടാക്സി, ട്രാം, ഫെറി എന്നിവയിൽ യാത്ര ചെയ്യാനാണ് മുഖ്യമായും നാം ഈ കാർഡ് ഉപയോഗിക്കുന്നത്. മെട്രോ സ്റ്റേഷനിൽ നിന്നാണ് നമുക്ക് നോൽ കാർഡ് കിട്ടുക. 20 ദിർഹമാണ് നോൽ കാർഡ് ലഭിക്കാൻ കൊടുക്കേണ്ടത്. പിന്നീട് ആവശ്യത്തിനനുസരിച്ച് റീചാർജ് ചെയ്തു ഉപയോഗിക്കാം. മിനിമം 7. 5 ദിർഹം ബാലൻസ് വേണം. എല്ലാ ബസ്സ്റ്റോപ്പുകളിലും മെട്രോ സ്റ്റേഷനുകളിലും ബാലൻസ് ചെക്ക് ചെയ്ത് ദിർഹം ലോഡ് ചെയ്തോ കാർഡ് വഴിയോ ചാർജ് ചെയ്യാം. ബസിൽ കയറുമ്പോൾ കാർഡ് ഇടതും വലതും കാണുന്ന പഞ്ചിങ് മെഷീനിലൊന്നിൽ പഞ്ച് ചെയ്ത് ചെക്ക് ഇന്നായി ബസിൽ കയറാവുന്നതാണ്. ബസിൽ വച്ച ടി.വി സ്ക്രീനിലൂടെ ബസിന്റെ യാത്രാ വിവരങ്ങൾ അറിയാവുന്നതാണ്. ബസിൽ വച്ച് ഒരു കാരണവശാലും ഭക്ഷണം കഴിക്കരുത്. സി. സി ടി.വി ക്യാമെറയിലൂടെ നിങ്ങൾ എല്ലാ സമയത്തും നിരീക്ഷണത്തിലായിരിക്കും. പിടിക്കപ്പെട്ടാൽ നല്ലൊരു തുക തന്നെ പെനാൽറ്റിയായി അടക്കേണ്ടി വന്നേക്കാം. കൂടാതെ ചെക്കറുടെ ചെക്കിങ്ങും ഉണ്ടാകും. നിങ്ങൾക്കു ഇറങ്ങേണ്ട സ്ഥലമെത്തിയാൽ stop ബട്ടൺ അമർത്തിയാൽ ബസ് നിർത്തുന്നതായിരിക്കും. ബസിൽ നിന്ന് ഇറങ്ങുമ്പോൾ നിർബന്ധമായും പഞ്ചിങ് മെഷീനിൽ പഞ്ച് ചെയ്ത് ചെക്ക് ഔട്ട് ചെയ്യണം. അല്ലാത്തപക്ഷം കാർഡിലുള്ള പണം നഷ്ടപെടുന്നതായിരിക്കും.എന്നാൽ, കാർഡിൽ 200 ദിർഹം ഡെപ്പോസിറ്റുണ്ടെകിൽ ഈ കാർഡ് ഒരു ഡെബിറ്റ് കാർഡായും നമുക്ക് ഉപയോഗിക്കാം. ഷോപ്പിംഗ് നടത്താനും മരുന്നുകൾ വാങ്ങാനും പെട്രോൾ അടിക്കാനും കുട്ടികളുമായി പാർക്കിലോ, മ്യൂസിയത്തിലോ പോകുമ്പോൾ അവിടത്തെ ചാർജ് അടയ്ക്കാനും ഡോക്ടറുടെ അപ്പോയ്മെന്റ് എടുക്കാനുംനമുക്ക് ഈ. കാർഡ് ഉപയോഗിക്കാം. കാർഡുകളുടെ കാലാവധി അഞ്ച് വർഷമാണ്. അതിനു ശേഷം പുതിയ കാർഡ് എടുക്കവുന്നതാണ് സിൽവർ , ബ്ലൂ, ഗോൾഡൻ , റെഡ് നിറത്തിലുള്ള കാർഡുകളുണ്ട്. സിൽവർ കാർഡീൽ ആവശ്യമുള്ള ദിർഹം റീചാർജ് ചെയ്ത് ഉപയോഗിക്കാവുന്നതാണ്. ഒരു നിശ്ചിത സ്ഥലത്തേക്ക് സ്ഥിരമായി യാത്ര ചെയ്യേണ്ടവർക്ക് ബ്ലൂ കാർഡ് ഉപയോഗിക്കാം. നമ്മുടെ നാട്ടിലെ സീസൺ ടിക്കറ്റ് പോലെ നിശ്ചിത തുക അടച്ചു ഒരേ റൂട്ടിൽ ഉപയോഗിക്കാം. നിരക്കിലും ഇളവുണ്ട്.ഗോൾഡൻ കാർഡുള്ളവർക്ക് വി. ഐ. പിയായി യാത്ര ചെയ്യാം. അവർക്ക് ബസിലും മെട്രോയിലും സ്പെഷ്യൽ സീറ്റുണ്ട് . റെഡ് കാർഡ് ഒരു പേപ്പർ ബേസ്ഡ് കാർഡാണ്`N O L’ കാർഡിൻെറ ഉപയോഗത്തിൻെറ കൂടുതൽ വിവരങ്ങൾ അറിയാനും കൂടുതൽ പ്രയോജനങ്ങൾ അറിയാനും rta.ae എന്ന വെബ്സൈറ്റിൽ കയറി explore or about click ചെയ്ത് public transport കാറ്റഗറിയിൽ കടന്നാൽ കാർഡ് കൊണ്ടുള്ള പ്രയോജനങ്ങളുടെ യഥാർത്ഥ രൂപം നിങ്ങൾക്ക് ലഭിക്കും