കൂർക്കംവലിയെ അറിയാം; അപകടങ്ങൾ ഒഴിവാക്കാം

ലക്ഷക്കണക്കിന് ആളുകൾ വളരെ സാധാരണയായി അനുഭവിക്കുന്ന ഒരു പ്രശ്നമാണ് കൂർക്കം വലി.നിരുപദ്രവകരമാണെന്ന് തോന്നുമെങ്കിലും കൂർക്കംവലി ചിലപ്പോൾ ആരോഗ്യത്തെ ബാധിച്ചേക്കാം. ഇതിനായി ആദ്യം മനസ്സിലാക്കേണ്ടത് . കൂർക്കംവലി എങ്ങനെ സംഭവിക്കുന്നുവെന്നും ശ്വാസനാളത്തിന്റെ ഘടന ഉറക്കത്തിൽ എങ്ങനെ പ്രവർത്തിക്കുന്നുവെന്നും ആണ്.

നാം ശ്വസിക്കുമ്പോൾ, വായു മൂക്കിലൂടെയോ വായിലൂടെയോ തൊണ്ടയിലേക്ക് എത്തുന്നു. Pharynx എന്ന ഇടുങ്ങിയ കുഴലിലൂടെയാണ് നമ്മുടെ ശ്വാസം കടന്നുപോകുന്നത് . എന്നാൽ ഉറക്കത്തിൽ, തൊണ്ടയിലെ പേശികൾ അയഞ്ഞിരിക്കുന്നതിനാൽ ശ്വാസനാളം ഇടുങ്ങിയതാകുന്നു . ഇങ്ങനെ വരുമ്പോൾ തൊണ്ടയിലൂടെയുള്ള സുഗമമായ വായു പ്രവാഹം നടക്കാതെ വരികയും തൊണ്ടയിലെ ടിഷ്യുകൾ വൈബ്രേറ്റ് ചെയ്യുകയും ഇങ്ങനെ ഉണ്ടാകുന്ന ശബ്ദം കൂർക്കം വലിയിൽ പരിണമിക്കുകയും ചെയ്യുന്നു.

കൂർക്കംവലിക്ക് കാരണമാകുന്ന ഘടകങ്ങൾ

• പ്രായം: പ്രായം കൂടുന്തോറും തൊണ്ടയിലെ പേശികൾ നഷ്ടപ്പെടുകയും ദുർബലമാവുകയും ചെയ്യുന്നു, ഇത് കൂർക്കംവലി സാധ്യത വർദ്ധിപ്പിക്കും.

• പൊണ്ണത്തടി: അമിതഭാരം ശ്വാസനാളത്തിന്റെ സങ്കോചത്തിൽ സമ്മർദ്ദം ചെലുത്തുകയും കൂർക്കംവലി സാധ്യത വർദ്ധിപ്പിക്കുകയും ചെയ്യും.

• പുകവലി: പുകവലി തൊണ്ടയിലെ ടിഷ്യുകൾക്ക് വീക്കം ഉണ്ടാകാൻ കാരണമാകുന്നു

• മദ്യം പോലുള്ള ലഹരികൾ : മദ്യവും അതുപോലുള്ള മറ്റുള്ള ലഹരികളും തൊണ്ടയിലെ പേശികൾക്ക് അയവ് വരുത്തും, ഇത് കൂർക്കംവലി സാധ്യത വർദ്ധിപ്പിക്കും.

• ശ്വാസതടസ്സം : മൂക്കിലൂടെയുള്ള ശ്വാസപ്രവാഹത്തെ തടയുന്ന എന്തും കൂർക്കം വലിക്ക് കാരണമാകും. ഉദാഹരണത്തിന് അലർജി, ജലദോഷം, തുടങ്ങിയവ.

• സ്ലീപ്പ് പൊസിഷൻ: മലർന്നു കിടന്ന് ഉറങ്ങുന്നത് കൂർക്കംവലി കൂടുതൽ വഷളാക്കും, ഉറക്കത്തിൽ നാവ് പിന്നിലേക്ക് പോകുന്നതിനാൽ ശ്വാസനാളം ഇടുങ്ങുന്നു.
• കൂർക്കംവലി ഉറക്കത്തെ ബാധിക്കുമോ?
• കൂർക്കംവലി ഉറക്കത്തെ പ്രതികൂലമായി ബാധിക്കുന്നു,

  ഉറക്കത്തിന്റെ ഗുണനിലവാരം കുറയുന്നു: കൂർക്കംവലിയിൽ നിന്ന് നിങ്ങൾ പൂർണ്ണമായും ഉണർന്നില്ലെങ്കിലും, അത് നിങ്ങളുടെ ഉറക്കത്തിന്റെ ഗുണനിലവാരത്തെ തടസ്സപ്പെടുത്തുന്നു.

  സ്ലീപ്പ് അപ്നിയ: ശരീരത്തിലെ ഓക്‌സിജന്റെ അളവ് കുറയുന്നതിനാൽ ശ്വസനം നിലയ്ക്കുന്ന അവസ്ഥയാണിത്. ഇത് അമിതമായ പകൽ ഉറക്കത്തിനിടയാക്കും. ദീർഘകാലമായി ചികിത്സിക്കാത്ത അപ്നിയ പ്രഷർ,ഹൃദ്രോഗം മുതലായ അസുഖങ്ങളും നമ്മുക്കുണ്ടാക്കാം.

കൂർക്കംവലി എങ്ങനെ ലഘൂകരിക്കാം

• ഉറക്ക ഗുളികകൾ കഴിക്കുന്നത് ഒഴിവാക്കുക.
• വൈകുന്നേരം 6 മണിക്ക് ശേഷം മദ്യം കഴിക്കുന്നത് ഒഴിവാക്കുക.
• മലർന്നു കിടന്ന് ഉറങ്ങുന്നത് കൂർക്കം വലിക്ക് കാരണമാകുന്നതിനാൽ ഒരു വശം ചെരിഞ്ഞു ഉറങ്ങാൻ ശ്രമിക്കുക
• പുകവലി ഉപേക്ഷിക്കുക
• അമിതഭാരം കുറയ്ക്കുക
• കൂർക്കംവലിക്ക് കാരണമാകുന്ന ഘടകങ്ങൾ മനസ്സിലാക്കുന്നത്, അത് നിയന്ത്രിക്കാനും മൊത്തത്തിലുള്ള ആരോഗ്യം മെച്ചപ്പെടുത്താനുമുള്ള നടപടികൾ സ്വീകരിക്കാൻ നിങ്ങളെ സഹായിക്കും. കൂർക്കംവലി നിയന്ത്രിക്കാൻ ഇന്ന് ചികിത്സകളുണ്ട്. വിദഗ്ദ ഡോക്ടർമാരുടെ നിർദേശ പ്രകാരം കൂർക്കം വലി പ്രശ്നം ലഘൂകരിക്കാൻ സഹായിക്കുന്ന ചികിത്സകളെക്കുറിച്ച് സംസാരിക്കുക.